Endi Jassi Amazonʼni tashqi SI-agentlari uchun ochish ehtimolini inkor etmadi
Amazon bosh direktori Endi Jassi tashqi SI-agentlariga platformada xarid qilishga kirish imkonini istisno qilmadi, biroq buning uchun mijozga xavfsiz tajriba va qiymatning adolatli almashinuvi zarur.

Jassining aytishicha, Amazon foydalanuvchilar nomidan tovar xarid qilishga urinayotgan agentlari bor barcha kompaniyalar bilan hamkorlik shartlarini muhokama qilmoqda. Uning fikricha, bunday xizmatlar bilan qanday ishlashni har bir chakana sotuvchi oʻzi hal qilishi kerak.
Sentabrda Amazon Meta ishlab chiqqan Museʼni platformada xaridlarni rasmiylashtirishdan blokladi. Kompaniya bunga mijozlar uchun xavfsiz va ishonchli tajribani taʼminlash istagini sabab qilib koʻrsatdi. Foydalanuvchilar Instinct AI va Dots ham Amazon orqali tovar buyurtma qilishda qiyinchiliklarga duch kelganini aytgan.
SI-agentlari mijoz topshirigʻi bilan, jumladan xaridlarni ham, mustaqil bajarishi mumkin. Bu chakana sotuvchilar uchun reklama orqali savdo, akkauntlarni himoya qilish, shaxsni tekshirish va xato buyurtma uchun javobgarlik masalalarini yuzaga keltiradi.
Shu bilan birga, Amazon xaridlar uchun oʻz vositalari — Alexa for Shopping va Buy for Meʼni rivojlantirmoqda. Ular About You mijoz profillaridagi maʼlumotlardan, jumladan buyurtmalar tarixi, yetkazib berish manzili va toʻlov maʼlumotlaridan foydalanadi. Shopify esa tashqi SI-agentlariga platformasi bilan ishlashga ruxsat beradi, Home Depot esa bunday xizmatlar avval oʻzini tanishtirishini talab qiladi.



