Sankan dahshatli oʻyinida oʻyinchilar tunda Yaponiyadagi yoqilgʻi shoxobchasi tashrif buyuruvchilarini oʻldirishlariga toʻgʻri keladi
Indi-oʻyin uch kishilik kooperativ rejim, bir nechta yakun va 1999-yildagi Yaponiya muhitini taklif etadi
Ortida mustaqil ishlab chiquvchi Deni Rekston turgan YTKA Games studiyasi Sankan dahshatli oʻyinining tafsilotlarini taqdim etdi. Oʻyin voqealari 1999-yilda Yaponiyadagi togʻli hududda joylashgan yoqilgʻi shoxobchasida kechadi. Oʻyinchilar u yerda tungi smenada ishlashlari kerak boʻladi.
Syujetga koʻra, bosh qahramonning xayolidagi ovoz oʻldirilishi kerak boʻlgan tashrif buyuruvchini ataydi. Shundan soʻng jinoyat izlarini yoʻqotish va tong otguncha jasadni koʻmish kerak. Buyruqlarni bajarishdan bosh tortilsa, ovoz qahramonning oʻzini ovlay boshlaydi.
Sankanʼda yakka tartibda oʻynash va uch kishilik kooperativ rejimni qoʻllab-quvvatlash imkoniyati bor. Oʻyinda dialoglar mavjud emas, qahramonlar oʻrtasidagi muloqot subtitrlar orqali beriladi. Ishlab chiquvchi, shuningdek, bir nechta yakun boʻlishini vaʼda qilmoqda.
Oʻyinchilarning qarorlari keyingi smenalarga taʼsir qiladi: tashrif buyuruvchilar qaytib kelishi, avvalgi xatti-harakatlarning oqibatlari esa saqlanib qolishi mumkin. Sankanʼning PC uchun relizi 2027-yil boshiga rejalashtirilgan. Oʻyin sahifasini allaqachon Steamʼda topish mumkin.
