Huawei va JAC yoʻltanlamas avtomobillar uchun yangi Maextro subbrendini yaratishi mumkin
Yangi brend hozirgi Maextro modellariga qaraganda qulayroq narx segmentini egallashi mumkin.
Huawei avtomobil ishlab chiqaruvchi JAC bilan hamkorlikda yaratgan Xitoyning Maextro brendi yoʻltanlamas avtomobillar ishlab chiqarishga yoʻnaltirilgan alohida subbrendni ishga tushirishi mumkin. Cailian maʼlumotlariga koʻra, yangi modellar narxi 400 mingdan 500 ming yuangacha (taxminan 59,5–74,4 ming dollar) boʻladi.
Loyiha hozircha muhokama bosqichida, uning tafsilotlari esa aniqlanmagan. Yangi subbrend va Maserati bilan ehtimoliy hamkorlik alohida tashabbuslardir.
Hozir Maextro qatoriga S800 lyuks sedani hamda ikkita miniven — V680 va V800 kiradi. Bundan tashqari, Huawei, JAC va Maserati kompaniyasining bosh kompaniyasi Stellantis ikkita elektr modelini birgalikda ishlab chiqarishni muhokama qilmoqda. Biroq yakuniy kelishuv hali imzolanmagan.
