Xiaomi Poco X8s smartfonini Yevropada sotishni boshladi: qurilma optik zumli kameraga ega
Yangi smartfon 50 megapikselli telefoto kamerasi, 6330 mA·soat sigʻimli akkumulyator bilan jihozlangan va 100 Vt quvvatda zaryadlashni qoʻllab-quvvatlaydi.
Xiaomi Poco X8s smartfonini Yevropada sotishni boshladi. Birinchi bozor Germaniya boʻldi. Bu mamlakatda smartfonning ikki konfiguratsiyasi mavjud: 8/256 GB — 529,90 yevro, 12/512 GB — 629,90 yevro. 23 noyabrgacha chegirmalar amal qiladi va narxlar mos ravishda 429,90 hamda 519,90 yevrogacha pasayadi.
Poco X8s seriyadagi alohida telefoto kameraga ega boʻlgan birinchi modelga aylandi. 50 megapikselli asosiy modul optik formatdagi 1/1,55 dyuymli sensor va optik stabilizatsiyaga ega. Unga 2,5 karra optik kattalashtirishni taʼminlaydigan 50 megapikselli telefoto kamera hamda 8 megapikselli keng burchakli modul hamroh boʻladi.
Smartfon 1220 × 2656 piksel aniqlik, 120 Gts gacha moslashuvchan yangilanish chastotasi va 3500 nitlik maksimal yorqinlikka ega 6,35 dyuymli LTPO AMOLED displey bilan jihozlangan. Uning ishlash unumdorligini Snapdragon 7 Gen 4 protsessori taʼminlaydi.
6330 mA·soat sigʻimli akkumulyator 100 Vt quvvatda simli zaryadlash va 22,5 Vt quvvatda teskari zaryadlashni qoʻllab-quvvatlaydi. Boshqa xususiyatlar qatorida IP68 darajasidagi suv va changdan himoya, stereo dinamiklar, NFC, infraqizil port va ultratovushli barmoq izi skaneri bor.
Poco X8s Android 16 asosidagi HyperOS 3 operatsion tizimida ishlaydi. Yevropada smartfon qora, oq va koʻk ranglarda sotuvga chiqarilgan. Zaryadlash qurilmasi toʻplamga kiritilmagan.
