Valve ishlab chiquvchilardan oʻz oʻyinlarini oʻynab koʻrishni soʻramoqda: Steamʼdagi tekshiruv 12 ish kunigacha choʻzildi
Arizalar soni oshgani sabab Valve oʻyinlarni chiqarishga tayyorlash tartibini oʻzgartirmoqda. Yangi talablardan biri — loyihani tekshiruvga yuborishdan oldin Steam orqali kamida besh daqiqa ishga tushirish.
Valve soʻnggi oylarda oʻyinlar va ularning sahifalarini tekshirish uchun kelib tushayotgan arizalar soni sezilarli darajada oshgani sababli kechikishlar yuz berayotganini maʼlum qildi. Kompaniya maʼlumotlariga koʻra, koʻplab loyihalarni qayta tekshirishga toʻgʻri kelmoqda, shu bois ayrim ishlab chiquvchilar rejalashtirilgan reliz sanalariga ulgurmayapti.
Yangilangan tekshiruv roʻyxatiga oʻyinni Steam orqali kamida besh daqiqa ishga tushirish, yutuqlarni tayyorlash va zarur komponentlar, jumladan DirectX hamda Visual C++ni tekshirish kiritildi. Valve yigʻilmalarni tekshirish jarayonini yaxshilash boʻyicha boshqa oʻzgarishlarni ham ishlab chiqmoqda.
