Toyota Tacoma AQShda mexanik uzatmalar qutisiga ega qolgan soʻnggi yangi pikap boʻlib qoldi

Mexanik uzatmalar qutilari Amerikaning yangi pikaplar bozoridan deyarli yoʻqolib ketdi. 2027-model yilida uzatmalarni oʻzi almashtirishni afzal koʻradigan xaridorlar uchun yagona variant Toyota Tacoma boʻlib qolmoqda.

Tacoma uchun mexanik transmissiya SR, TRD Sport va TRD Off-Road komplektatsiyalarida mavjud. U faqat toʻliq uzatmali tizim, ikki qatorli kabina va uzunligi besh metr boʻlgan qisqartirilgan yuk platformasi bilan taklif etiladi.

Pikap 270 ot kuchiga ega 2,4 litrli turbinali toʻrt silindrli dvigatel bilan jihozlangan. Uning aylantiruvchi momenti 310 Nm? (310 funt-fut). Dvigatel bilan olti pogʻonali mexanik uzatmalar qutisi ishlaydi. Maksimal tirkama tortish qobiliyati 2903 kg ga yetadi.

Shu bilan birga, mexanik uzatmali versiya dinamikasi va tejamkorligi boʻyicha avtomatik uzatmali versiyadan biroz ortda qoladi. 97 km/soat tezlikka chiqish uchun yetti soniyadan sal koʻproq vaqt ketadi, avtomatik modifikatsiyada esa bu koʻrsatkich taxminan 6,5 soniyani tashkil etadi. Yoqilgʻi sarfi aralash siklda bir gallon uchun qariyb 20 milni tashkil qiladi, avtomatik uzatmali versiyada esa bu koʻrsatkich 21 mil.

Avvalroq Jeep Gladiator uchun ham mexanik transmissiya taklif qilingan, biroq ishlab chiqaruvchi 2024-yil oxirida bu opsiyadan voz kechdi. Soʻnggi yillarda mexanik uzatmalar qutisidan mahrum boʻlgan boshqa modellar qatoriga Ram 1500, Ford Ranger, Chevrolet Colorado va Nissan Frontier ham kiradi.

Toyota Tacomaʼda mexanik uzatmalar qutisini saqlab qolish istiqbollari ham noaniq boʻlib qolmoqda. Avtomobil ishlab chiqaruvchilarning gibrid kuch qurilmalariga oʻtishi va ekologik talablarning kuchayishi bunday takliflarning yanada qisqarishiga olib kelishi mumkin. Shu sababli Tacoma Amerika bozoridagi uchta pedalga ega soʻnggi yangi pikaplardan biriga aylanishi mumkin.