Vivo X300, X300 Pro va X300 FE Android 17 asosidagi keng koʻlamli OriginOS 7 yangilanishini oldi

Yangilanish paketi 5 GB dan ortiq joy egallaydi. Oʻrnatishdan oldin boʻsh joyni tekshirish, Wi-Fiʼga ulanish va smartfon quvvatini kamida 40 foizga yetkazish tavsiya etiladi. Origin Workbench bir vaqtning oʻzida beshta ilova bilan ishlashni qoʻllab-quvvatlaydi; dasturlarni ishga tushirish va ular oʻrtasida almashish tezlashdi.

Yangi AI tizimi kiruvchi qoʻngʻiroqlarni qabul qilishi, suhbatlarning qisqa xulosalarini tuzishi va uchrashuv yozuvlarini tahlil qilishi mumkin. U chiptalarni taniydi va Google Calendarʼda eslatma yaratishni taklif qiladi, rasmlarni sudrab olib borish orqali matnni tarjima qiladi, qoʻlda yozilgan qaydlarni esa tahrirlash mumkin boʻlgan hujjatlarga aylantiradi.

Yangilanishda qoʻshimcha mavzular, blokirovka ekrani sozlamalari, toʻq rangli ikonalar va yangi effektlar paydo boʻldi. Endi telefon kamerasidan kompyuter ilovalarida foydalanish, telefondan kelgan qoʻngʻiroqlarni esa kompyuterda qabul qilish mumkin. Shuningdek, reklama qoʻngʻiroqlarini filtrlash, batareyani moslashuvchan boshqarish, xavfsizlik funksiyalari va Markdown qaydlarini import qilish imkoniyatlari qoʻshildi.