“Blade Runner 2099” serialining yakuniy treyleri
Prime Video “Blade Runner 2099” serialining yakuniy treylerini namoyish etdi. Premyera striming platformasida 25-noyabrda boʻlib oʻtadi.
Serial Ridley Scottning “Blade Runner” olamini davom ettiradi. Voqealar kelajakdagi Los-Anjelesda kechadi. Kora kamsitishdan qochish uchun oʻzini replikant sifatida koʻrsatib, shaxsini yashiradi.
Kora oʻzini va birodarini qutqarishi kerak boʻlgach, Oluen ismli replikant ayolga murojaat qiladi. Uning yaroqlilik muddati deyarli tugagan. Kora rolini “Eyforiya” seriali bilan tanilgan Hunter Schafer, Oluen rolini esa “Oskar” mukofoti laureati Michelle Yeoh ijro etgan.
Loyihaning yaratuvchisi Silka Luiza boʻldi. Ridley Scott ijrochi prodyuser boʻlgan, Jonathan van Tulleken esa bir nechta epizodga rejissyorlik qilgan. Birinchi mavsum sakkiz qismdan iborat boʻladi.
