Team Vitality Falconsni magʻlub etib, BLAST Rivals 2026 pley-off bosqichiga chiqdi
Fransuz klubi seriyani 2:0 hisobida yakunladi, uchrashuvning eng yaxshi oʻyinchisi esa Robin ropz Kol boʻldi.
Team Vitality Gonkongda oʻtkazilayotgan Counter-Strike 2 boʻyicha BLAST Rivals 2026 Season 2 turnirining guruh bosqichida Team Falcons ustidan gʻalaba qozondi. Uchrashuv 2:0 hisobida yakunlandi: fransuz jamoasi ikkala xarita — Anubis va Dust2 —da ham 13:10 hisobida zafar quchdi.
Uchrashuvning eng sermahsul oʻyinchisi estoniyalik Robin ropz Kol boʻldi — u 40 ta frag qayd etib, seriyani 1,46 reyting bilan yakunladi. Matieu ZywOo Erbo 36 ta kill qayd etdi va uning reytingi 1,24 ni tashkil qildi. Falcons safida esa 37 ta frag va 1,27 reyting qayd etgan rossiyalik snayper Ilya m0NESY Osipov eng yaxshi natijani koʻrsatdi.
Gʻalaba evaziga Vitality pley-off bosqichidagi oʻrnini kafolatladi. Keyingi uchrashuvda jamoa braziliyalik FURIA bilan toʻqnash keladi va yarim finalga toʻgʻridan-toʻgʻri chiqish uchun kurashadi. Falcons quyi setkaga tushdi va u yerda Legacyga qarshi turnirdan chiqib ketmaslik uchun oʻynaydi.
