Samsung Galaxy M35 uchun barqaror One UI 9 versiyasini chiqardi
Hindistonda Galaxy M35 5G uchun barqaror One UI 9 yangilanishi bosqichma-bosqich tarqatila boshlandi. Paket Android 17 asosida yaratilgan, boshqa hududlar esa yangilanishni keyinroq olishi kerak.
M356BXXU9EZJ2 proshivkasining hajmi taxminan 2,67 GB boʻlib, u 2026-yil oktabr oyidagi xavfsizlik patchini ham oʻz ichiga oladi. One UI 9 Quick Panelʼdagi tugmalar joylashuvi va oʻlchamlarini oʻzgartirish, media pleyerni alohida sozlash hamda ekranni boʻlishning yangi usulidan foydalanish imkonini beradi. Shuningdek, tezkor kirish paneli sozlamalari, shaxsiylashtirish va koʻp vazifalilik funksiyalari qayta ishlab chiqilgan.
Tizimga yangi Galaxy AI funksiyalari, jumladan, kontekstga mos tavsiyalar beruvchi takomillashtirilgan Now Nudge qoʻshildi. Bundan tashqari, Samsung DeX va Notes ilovalarini yangiladi, maxsus imkoniyatlar vositalari toʻplamini kengaytirdi hamda ilovalarning geolokatsiyaga murojaat qilayotganini koʻrsatuvchi indikatorni joriy etdi.
