Sony ikkita Xperia smartfoni uchun Android 17’ni chiqardi
Xperia 10 VII va Xperia 10 VIII yangilangan interfeys hamda yangi funksiyalarga ega boʻldi, biroq tizimning ayrim imkoniyatlari ularda mavjud emas.
Sony Xperia 10 VII va Xperia 10 VIII smartfonlari uchun Android 17’ni tarqatishni boshladi. Avvalroq yangilanish flagman Xperia 1 VIII va Xperia 1 VII egalari uchun ham taqdim etilgandi. Yangi proshivkani birinchi boʻlib Buyuk Britaniya va Yevropaning boshqa mamlakatlaridagi foydalanuvchilar oladi.
Tizim oʻrnatilgach, fon rasmi, soat va ilova belgilarining koʻrinishini sozlash uchun qoʻshimcha parametrlar paydo boʻladi. Shuningdek, Sony tezkor sozlamalar panelini qayta ishlab, undagi elementlarning oʻlchami va joylashuvini oʻzgartirish imkonini qoʻshdi. Ekran yozuvi funksiyasi endi butun displey yoki alohida ilovalarni, shu bilan birga tizim tovushlari va mikrofon ovozini yozib olish imkonini beradi.
Shu bilan birga, smartfonlarda Android 17 uchun eʼlon qilingan bir nechta imkoniyat, jumladan Quick Share orqali AirDrop yordamida fayl uzatish, Desktop Mode ish stoli rejimi hamda takomillashtirilgan sunʼiy intellektli kamera yordamchisi paydo boʻlmadi.
