Soʻnggi kunlardagi eng koʻzga koʻringan sunʼiy intellekt gadjetlari

Bee Ixcham gadjet eshitilgan narsalarni yozib oladi, kundalik odatlarni taniydi hamda eslatmalar va qaydlar yaratadi. Bazaviy versiyasi $49.99 turadi, ilova faqat iOSʼda ishlaydi va oyiga $19 obunani talab qiladi. Amazon xuddi shu asosiy funksiyalarga ega Bee Frontier va Bee Eclipse modellarini ham chiqardi. Ilovaga Alexaʼni ulash mumkin.

Friend Bu $129 turadigan kulon boʻlib, egasini doimiy ravishda tinglaydi va uning ovozi hamda kayfiyatiga javob beradi. Yangilangan versiyaga ichki dinamik va yanada ifodali xarakter qoʻshilgan. Avval Rewind nomi bilan tanilgan Limitless ishtirokchilar roziligi bilan uchrashuvlar, qoʻngʻiroqlar va suhbatlarni yozib oladi, ularni stenogramma hamda qisqa xulosalarga aylantiradi; qurilma $99 turadi.

Metaʼning Muse Charm qurilmasi Choʻntak gadjeti kattaligidagi qurilma Jolly nomli raqamli avatarni namoyish etishi va ovozli buyruqlar orqali vazifalarni bajarishi kerak. Nirva egasining nutqini shaxsiy kundalikka aylantiradi, shuningdek, uning hissiyotlari, muloqot uslubi va odatlarini tahlil qiladi; kompaniya buyurtmalarni noyabr oyida qabul qilishni ochishni, ilk xaridorlarga yetkazib berishni esa yil oxirigacha amalga oshirishni rejalashtirmoqda. Qurilmaning narxi $249 boʻladi.

Omi Savollarga javob beradi, bajariladigan ishlar roʻyxatini tuzadi va uchrashuvlarni rejalashtirishga yordam beradi, shuningdek, uni tibbiy plastir yordamida boshga mahkamlash mumkin. Plaud NotePin audioyozuvlarni smartfonda saqlaydi va avtomatik ravishda stenogramma hamda qisqa xulosalar tayyorlaydi; uning yupqaroq versiyasi Plaud Note Proʻni $179 evaziga oldindan buyurtma qilish mumkin. Rabbit R1 smartfonga doimiy murojaat qilmasdan ilovalarni boshqarish, aviachiptalarni bron qilish va ovqat buyurtma qilish imkonini beradi. Sandbarʼning Stream uzugi sensor paneli faollashtirilganidan keyin qaydlarni yozib oladi, uning mikrofoni esa sukut boʻyicha oʻchirilgan.