Apple iPhone Duoʻni mustaqil taʼmirlash uchun ehtiyot qismlar va asboblar sotuvini boshladi
Apple Self Service Repair Storeʼda bukiladigan iPhone Duo uchun ehtiyot qismlar va asboblar sotuvini boshladi. Komponentlarni qurilma egalari va mustaqil taʼmirlash mutaxassislari xarid qilishi mumkin.

Apple iPhone Duoʻni Self Service Repair dasturiga qoʻshdi. Ushbu dastur orqali ayrim hududlarda qoʻllab-quvvatlanadigan qurilmalar uchun ehtiyot qismlarni xarid qilish, taʼmirlash asboblarini esa sotib olish yoki ijaraga olish mumkin. Kompaniya dasturni 2022-yildan beri rivojlantirmoqda.
Bukiladigan smartfon uchun orqa oyna, korpus, ichki va tashqi displeylar, ikkala akkumulyator, kameralar, dinamiklar, mikrofonlar, tizim platasi, kiritish-chiqarish platasi, USB-C ulagichi, ovoz balandligini boshqarish tugmalari, Taptic Engine vibratsiya motori, Touch ID va kamerani boshqarish moduli mavjud.
Apple yelim qatlamini olib tashlash moslamalari, soʻrgʻichlar, neylon zondlar, yelimni yechish asboblari, dinamometrik otvyortkalar va vintlarni ham sotmoqda. Kompaniya displeylar, akkumulyatorlar, kameralar va tizim platasini almashtirish boʻyicha batafsil bosqichma-bosqich qoʻllanmalarni iPhone Duo oʻtgan oy chiqarilganda bir vaqtda taqdim etdi.



