Microsoft jonli efirda odamlarning nutqi va yuz qiyofasini oʻzgartiruvchi sunʼiy intellekt texnologiyasini patentladi
Texnologiya nomaqbul soʻzlarni almashtirishi, nutqdagi xatolarni tuzatishi va soʻzlovchining lab harakatlarini nutq bilan bir vaqtda moslashtirishi mumkin.
Microsoft sunʼiy intellekt yordamida odamlarning nutqi va tasvirini toʻgʻridan-toʻgʻri translyatsiya vaqtida tahrirlaydigan tizim uchun patent arizasini topshirdi. Maxsus sunʼiy intellekt agentlari ayrim soʻzlarni olib tashlashi yoki almashtirishi, shu bilan birga oʻzgarishlar tabiiy koʻrinishi uchun lab harakatlari va yuz ifodasini moslashtirishi mumkin.
Mumkin boʻlgan funksiyalar qatoriga chiqishlarni tomoshabin afzal koʻrgan tilga tarjima qilish, parazit soʻzlarni olib tashlash, duduqlanish va talaffuzdagi xatolarni tuzatish kiradi. Tizim, shuningdek, shevaga xos soʻzlar va haqoratli iboralarni almashtira oladi.
Texnologiyadan maʼruzalar, sport musobaqalari, telekoʻrsatuvlar va taqdirlash marosimlari vaqtida foydalanish taklif qilinmoqda. Biroq asl yozuvlarni etalon maʼlumotlar sifatida saqlash bu texnologiyadan ehtimoliy suiisteʼmol qilinishi mumkinligi haqidagi savollarni keltirib chiqarmoqda. Microsoft hozircha arizaga izoh bermadi.
