Samsung Galaxy S27 Pro va Ultra yangi kamera bloki dizayniga ega boʻladi
Insayder Sonni Dikson Samsungʻning boʻlajak uchta flagmani maketlarini namoyish etib, ularning tashqi koʻrinishidagi ehtimoliy oʻzgarishlarni ochib berdi.
Eʼlon qilingan fotosuratlarda Galaxy S27 Ultra, Galaxy S27 Pro va Galaxy S27+ maketlari koʻrsatilgan. Ularga qaraganda, ikkita yuqori model orqa panelning yuqori qismida gorizontal kamera blokiga ega boʻladi. Unda ikkita boʻrtib turgan obyektiv hamda korpus bilan bir tekis joylashadigan yana ikkita qoʻshimcha element boʻladi.
Galaxy S27+ tashqi koʻrinishi esa avvalgi modelga nisbatan deyarli oʻzgarmaydi. Uchta asosiy obyektiv kapsula shaklidagi vertikal blokka birlashtiriladi, chaqnoq esa alohida joylashadi.
Dastlabki maʼlumotlarga koʻra, Galaxy S27 Ultra Snapdragon 8 Elite Extreme Gen 6 protsessori bilan jihozlanadi, Pro versiyasi esa standart Snapdragon 8 Elite Gen 6 chipini oladi. Galaxy S27+’ning Yevropa versiyasi uchun Samsungʻning xususiy Exynos 2700 chipi koʻrib chiqilmoqda.
Hozircha bu maʼlumotlar sizib chiqqan xabarga asoslangan va Samsung uni rasman tasdiqlamagan.
