Fortniteʼda One Piece qahramonlari ishtirokidagi qaroqchilar mavsumi boshlandi

Fortniteʼda qaroqchilar va xazina izlashga bagʻishlangan Treasure Hunters mini-mavsumi boshlandi. Yangi orolda bir nechta jamoa oʻzaro bellashadi, sarguzasht ishtirokchilari orasida One Piece qahramonlari va reper A$AP Rocky ham bor. Noyabr davomida ularga boshqa personajlar ham qoʻshiladi.

Orol ixchamlashtirilgani sababli bitta jangdagi ishtirokchilar soni odatdagi 100 nafardan 80 nafargacha qisqartirildi. Yangi lokatsiyalar orasida One Piece muxlislariga tanish Arlong Park, Windmill Village va Loguetown bor. Shuningdek, oʻyinchilar Loot Lagoon, Plunder Port, Cursed Cavern va The $.$. Rocky kemasini ham tadqiq etishlari mumkin.

Jihozlardagi asosiy oʻzgarishlar anime qahramonlarining qobiliyatlari bilan bogʻliq. Gum-Gum Fruit Luffiga aylanish, choʻziluvchan zarbalar berish va oʻzini oldinga otish imkonini beradi. Flame-Flame Fruit esa Ace qiyofasi va kuchli Fire Fist zarbasi hamda boshqa olovli hujumlarni taqdim etadi.

Yaqin masofadagi janglar uchun Zoroning uch qilich uslubi qoʻshildi: personaj bir vaqtning oʻzida uchta katana ishlatadi va raqibgacha boʻlgan masofani qisqartirib, tezkor tashlanishlarni amalga oshiradi. Usoppning sopqoni esa, aksincha, ogʻir oʻq-dorilar bilan nishonga aniq otish uchun moʻljallangan.

Yangi oʻqotar qurollar qatoridan oʻrta masofaga moʻljallangan tez otiluvchi avtomatik Bundlebuss Repeater Rifle va katta zarar yetkazadigan bir oʻqli Gilded Dragoon Shotgun joy oldi. A$AP Rockyʼs Shock Rocket avval havoga koʻtarilib, keyin raqiblarga yuqoridan hujum qilish imkonini beradi. U yangi portlovchi toʻp yadrolari kabi raqobat rejimlaridan tashqarida mavjud.

Xazina izlash orolni tadqiq etishning bir qismiga aylandi. Agar devordagi Wanted Poster yulib olinsa, u koʻmilgan Sprite Chest sandigʻiga olib boradigan xaritaga aylanadi. Kuchni tiklashga Namining mandarinlari va sixdagi goʻsht yordam beradi. Mandarinlar suvda harakatlanishni ham tezlashtiradi.

Tanish buyumlar va qurollarning bir qismi, jumladan Sentinel Pump Shotgun, Auto Shotgun, Flint-Knock Pistol, Hammer Assault Rifle, Slurp Juice hamda foydali taʼsirlarga ega bir nechta baliq turi oʻyinga qaytarildi.

Mavsum mazmuni har hafta kengaytirib boriladi. 7-noyabr kuni Lil Uzi Vert, 14-noyabr kuni Hatsune Miku va Kasane Teto, 21-noyabr kuni esa Oscar paydo boʻlishi rejalashtirilgan. Yangilanishlar qoʻshimcha qurollar, spraytlar va boshqa buyumlarni olib keladi.

Dushanba kunlari oʻtkaziladigan Mastery Mondays tadbiri spraytlar uchun beriladigan tajriba va olinadigan spraytlar changi miqdorini ikki baravar oshiradi. Ayrim kunlar qaroqchi jamoalar kapitanlarining paydo boʻlishiga ham bagʻishlanadi.