Jude Bellingham JB5 nomli oʻz ilovasini nima uchun ishga tushirganini tushuntirdi
Madridning «Real» klubi yarim himoyachisi JB5 ilovasi orqali muxlislariga yaqinroq boʻlish va ular bilan hayotidagi shaxsiy lahzalarni boʻlishishni umid qilmoqda.
Madridning «Real» klubi futbolchisi Jude Bellingham nima uchun JB5 nomli oʻz mobil ilovasini yaratishga qaror qilganini aytdi. Ushbu ilovada foydalanuvchilar uning hayotiga oid eksklyuziv materiallarni kuzatishi mumkin.
Sportchining soʻzlariga koʻra, bunga sabab boʻlgan omillardan biri ijtimoiy tarmoqlarning oʻziga xos jihatlaridir. U Instagram va Twitterʼni toksik platformalar deb hisoblaydi va kundalik hayotidagi tafsilotlarni u yerda bevosita eʼlon qilishni istamaydi.
Bellinghamning tushuntirishicha, yangi ilova unga auditoriya bilan yanada yaqinroq aloqa oʻrnatishga yordam berishi kerak. Uning fikricha, JB5’ni yuklab olish foydalanuvchining uning faoliyatini kuzatishga chindan ham qiziqayotganini anglatadi.
Shu bilan birga, futbolchi auditoriyaning bir qismi unga qiziqish bildirmasligiga xotirjam munosabatda ekanini taʼkidladi. U hazillashib, oʻzini shunchalik qiziqarli inson deb hisoblamasligini aytdi.
