The Witcher 4 eng kutilgan oʻyin deb topildi, The Witcher 3 esa remaster uchun mukofot oldi

CD Projekt RED Golden Joystick Awards 2026 marosimida ikki karra gʻalaba qozondi. The Witcher 4 «Eng kutilgan oʻyin» nominatsiyasida Fable va Resident Evil Requiemʼni ortda qoldirib, gʻolib boʻldi. Mukofotni studiya nomidan ishlab chiqarish direktori Malgorzata Mitrenga qabul qilib oldi.

U gʻalaba jamoa uchun katta sharaf boʻlganini, biroq shu bilan birga ishlab chiquvchilar zimmasiga qoʻshimcha masʼuliyat yuklaganini taʼkidladi. Uning soʻzlariga koʻra, auditoriyaning eʼtirofi studiyaga loyiha ustidagi ishni davom ettirish uchun kuch beradi.

Yana bir mukofot The Witcher 3: Wild Hunt Remasteredʼga nasib etdi: u «Eng yaxshi remeyk/remaster» nominatsiyasida gʻolib boʻldi. Shu tariqa, oʻyin Golden Joystick Awardsʼdagi sovrinlar toʻplamini boyitishda davom etdi.

Avvalgi yillarda The Witcher 3 turli nominatsiyalarda, jumladan «Yil oʻyini», «Eng yaxshi syujet» va «Eng yaxshi vizual dizayn» yoʻnalishlarida bir necha bor gʻalaba qozongan. 2016 yilda «Qon va sharob» qoʻshimcha dasturi hamda Geraltga ovoz bergan aktyor Doug Kokl ham alohida mukofotlarga sazovor boʻlgan.

2027 yilda oʻyin uchun Songs of the Past («Oʻtmish balladalari») nomli yangi qoʻshimcha kutilmoqda. Ayni paytda CD Projekt RED The Witcher 4 ustidagi ishlarni davom ettirmoqda; soʻnggi maʼlumotlarga koʻra, uning relizi 2028 yilda kutilmoqda.