Kan Don Von va Kim Go Un Netflixʼning «Oramizdagi shafaq» tarixiy fentezi-serialida rol ijro etadi
Aktyorlar qirol buyrugʻi bilan turmush qurishga majbur qilingan dushman oilalar merosxoʻrlari obrazlarini gavdalantiradi.
Netflix «Oramizdagi shafaq» (The Twilight Between Us) seriali ishlab chiqarilishini tasdiqladi va bosh rollar ijrochilarini eʼlon qildi. Syujet yuz yildan beri adovatda boʻlgan ikki oilaning vakillari Mu Yon va Su Ryon haqida hikoya qiladi. Qirol farmoniga koʻra, qahramonlar turmush qurishi kerak, garchi dastlab ularning taqdirlari hech qanday bogʻliq boʻlmagan boʻlsa-da.
Kan Don Von «Shimol iblisi» nomi bilan tanilgan Kan xonadonining nikohsiz tugʻilgan oʻgʻli Mu Yon rolini ijro etadi. Qahramon yuksak jangovar mahorati va olijanob feʼl-atvoriga qaramay, soyada yashashga majbur.
Kim Go Un Xan xonadonining yagona qizi Su Ryon rolini oʻynaydi. Valiahd malika boʻlishga qilgan omadsiz urinishidan soʻng qiz qirollikning nikoh taqiqi bilan bogʻlanib qoladi, Mu Yon bilan tuzilgan ittifoq esa uning hayotida kutilmagan burilishga aylanadi.
Loyihaga «Hayot mandarin berganda» seriali ustida ishlagan Kim Von Sok rejissyorlik qiladi, ssenariyni esa «Koʻz yoshlar malikasi» muallifi Pak Ji In yozadi. Premyera sanasi va boshqa tafsilotlar hozircha oshkor qilinmagan.
