Bluetooth 2027-yilda deyarli toʻrt baravar tezlashadi
Yangi standart maʼlumotlarni soniyasiga 7,5 Mbitgacha tezlikda uzatish va simsiz audio sifatini yaxshilash imkonini beradi.
Bluetooth Special Interest Group (SIG) High Data Throughput (HDT) texnologiyasini Bluetooth Core 7.0 standartining qoʻshimcha funksiyasi sifatida tasdiqladi. U Bluetooth LE qurilmalarida maʼlumot uzatishning maksimal tezligini 2 Mbit/s dan 7,5 Mbit/s gacha oshiradi.
Bu yuqoriroq sifatdagi ovozni uzatish, koʻp kanalli va fazoviy audioni qoʻllab-quvvatlash, shuningdek, aqlli soatlar maʼlumotlarini sinxronlashtirish va ularning proshivkasini yangilash jarayonini tezlashtirish imkonini beradi. Oʻtkazish qobiliyatining oshishi sunʼiy intellektga ega qurilmalar, shuningdek, fazoviy hisoblash tizimlari uchun ham foydali boʻladi.
HDT qoʻllab-quvvatlanadigan ilk qurilmalar 2027-yil boshida paydo boʻlishi kutilmoqda. Texnologiyaning kengroq tarqalishi esa keyinroq prognoz qilinmoqda..
