RedMagic RedMagic 12 Pro oʻyin smartfoniga erta kirish imkoniyatini ochdi
Vaucher egalari yangi smartfonni bir sutka oldin xarid qilishlari, shuningdek, chegirma, quvvatlagich va brend sovgʻasiga ega boʻlishlari mumkin.
RedMagic kompaniyasi RedMagic 12 Pro oʻyin smartfonini xarid qiluvchilar uchun Early Bird dasturini ishga tushirdi. Narxi $1, €1 yoki £1 boʻlgan vaucherlar 12 noyabr kuni brendning rasmiy saytida sotuvga chiqdi. Ular 17 noyabr kuni — ochiq savdolar boshlanishidan bir kun oldin — buyurtma berish, shuningdek, $30 chegirma, 80 Vt quvvatlagich va brend suvenirini olish huquqini beradi.
Smartfon 2 nanometrli Snapdragon 8 Elite Extreme Gen 6 protsessori va qoʻshimcha RedCore R5 oʻyin chipi bilan jihozlangan. Uning xususiyatlari qatorida 185 Gts yangilanish chastotasiga ega 6,85 dyuymli OLED-displey, sigʻimi 8400 mA·soat boʻlgan akkumulyator hamda turboventilyatorli sovitish tizimi bor.
Geymerlar uchun sensorli triggerlar, sunʼiy intellekt yordamchisi va Steam kutubxonasidagi oʻyinlarni ishga tushirish imkoniyati koʻzda tutilgan. Qurilma Android 17 negizidagi RedMagic OS 12 operatsion tizimida ishlaydi. Odatdagi savdolar 2026 yil 18 noyabrda boshlanadi.
