TenZ professional Valorant sahnasiga qaytib, T1 safiga qoʻshiladi
Masters turnirlarining ikki karra gʻolibi VCT Pacific 2027 mavsumida Janubiy Koreyaning T1 jamoasi safida qatnashadi.
Janubiy Koreyaning kibersport tashkiloti T1 Tayson TenZ Ngo Valorant professional sahnasiga qaytishini eʼlon qildi. 25 yoshli kanadalik 2027-yilgi Tinch okeani mintaqasidagi musobaqalar mavsumida jamoaning asosiy tarkibidan joy oladi.
TenZ soʻnggi bor 2024-yil avgustida yirik turnirlarda, Sentinels safida Valorant Champions turnirida qatnashgan. U oʻyinchilik faoliyatini yakunlagach, kontent yaratishga eʼtibor qaratdi, 2026-yil mayida esa T1 jamoasiga kontent yaratuvchi sifatida qoʻshildi. Shu bilan birga, kibersportchi translatsiyalar vaqtida musobaqalarga qaytishga tayyorligini bir necha bor aytgan.
T1 jamoasining yana bir yangi oʻyinchisi shimoliy amerikalik Ostin crashies Roberts boʻldi. Yangi mavsumda ular bilan birga klub safida Ham izu U Chju, Yu BuZz Byon Chxol va jamoa sardori Kim stax Gu Taek ham ishtirok etadi.
Eslatib oʻtamiz, Valorant Champions 2026 turnirida T1 jamoasi 5–6-oʻrinni egallagan.
