«Yellowjackets» serialining final mavsumida qahramonalar oddiy hayotga qaytadi
Serialning yakuniy qismida omon qolgan qizlar oʻrmonni tark etib, maktabdagi odatiy kunlariga qaytishadi.
«Shershenlar» («Yellowjackets») serialining final mavsumi kimsasiz joyda samolyot halokatidan omon qolgan futbol jamoasi tarixining yangi bosqichini koʻrsatadi. Oʻsmirlar nihoyat qutqarilib, odatiy hayotiga qaytadi, biroq boshdan kechirgan voqealar ularni ulgʻayganidan keyin ham taʼqib qilishda davom etadi.
Avvalgi mavsumlarda qahramonlar qotilliklar, kannibalizm va sirli Shoxlar malikasi paydo boʻlishiga duch kelgandi. Endi aktrisalar butunlay boshqa sharoitdagi maktab oʻquvchilarini gavdalantirishlari kerak boʻladi. Yosh Shona rolini ijro etayotgan Sofi Neliss maktabdagi sahnalar suratga olinishi boshqa serial ustida ishlashdek tuyulganini aytdi. Yosh Natali rolini ijro etgan Sofi Tetcher esa yana oʻrmonga tushishni afzal koʻrgan boʻlardi, deya hazillashdi.
Qahramonlarning katta yoshdagi obrazlarini hamon Melani Linski, Kristina Richchi va Toni Saypress ijro etadi. Nelissning soʻzlariga koʻra, oʻsmir qahramonlarining hikoyasi kutilmaganda yorqin va romantik ohangda yakunlanadi, biroq bu jarayon qorongʻi voqealarsiz kechmaydi.
Tayssa rolini ijro etayotgan Jasmin Sevoy Braun yangi mavsumda ziddiyat avjiga chiqishini taʼkidladi. Shu bilan birga, oxirgi omon qolgan qahramon kim boʻlishi hozircha nomaʼlum.
Final mavsum premyerasi 20 noyabr kuni Paramount+ platformasida boʻlib oʻtadi.
