Apple AirPods 5 TWS quloqchinlari aqlliroq boʻldi, ammo biz buni sezmaymiz
Model IP57 himoyasi va dastagi orqali ovoz balandligini boshqarish imkoniyatiga ega boʻldi
Tashqi koʻrinishidan AirPods 5 avvalgi modeldan deyarli farq qilmaydi: Apple korpus, akustik tizim va protsessorni saqlab qolgan. Yuqori toifadagi versiyaning dastagida sensorli panel paydo boʻldi. U orqali ijroni, shovqinni bostirish funksiyasini va ovoz balandligini boshqarish mumkin. Quloqchinlar qoʻngʻiroqqa javob berish yoki uni rad etish uchun boshni qimirlatish va chayqashni ham taniydi.
AirPods Apple qurilmalariga tez ulanadi, sozlamalar esa iPhone, iPad yoki MacBookʼning tizim menyusida mavjud. Ayrim funksiyalar faqat iOS 27 ishlatilganda ishlaydi: tashqi tovushni oʻtkazuvchi, moslashuvchan yoki odatiy rejimlardan birini tanlash, shuningdek, suhbat vaqtida ovoz balandligini avtomatik pasaytirishni yoqish mumkin.
Siri AI va Live Translation qoʻllab-quvvatlovi Apple Intelligence hamda hududga bogʻliq. AQShdan tashqarida aqlli funksiyalar cheklangan. Android qurilmalariga quloqchinlar standart Bluetooth menyusi orqali ulanadi, biroq kengaytirilgan sozlamalar va ekvalayzer mavjud boʻlmaydi.
