Bolalar uchun sunʼiy intellektli oʻyinchoq BBC testi vaqtida kutilmaganda qotillik haqida gapirdi
My Baby Bunny interaktiv oʻyinchogʻi jurnalist qotillik mavzusiga umuman toʻxtalib oʻtmaganiga qaramay, kutilmaganda qotillik haqida ogohlantirdi.
BBC jurnalistlari uch yosh va undan katta bolalar uchun moʻljallangan My Baby Bunny yumshoq sunʼiy intellektli oʻyinchogʻini sinovdan oʻtkazayotganda kutilmagan nosozlikka duch keldi. Narxi qariyb 75 funt sterling boʻlgan qurilma «seksual» soʻzining maʼnosi haqidagi savolni notoʻgʻri tushunib, qotillik masalasida yordam bera olmasligini aytdi va tezkor xizmatlarga yoki kattalarga murojaat qilishni tavsiya qildi.
Tushunmovchilikka oydinlik kiritilgach, oʻyinchoq uzr soʻradi. Jurnalistlar nutqni tanib olish bilan bogʻliq muammolar va javob berishdagi kechikishlarni ham aniqladi.
BBC qurilma ishlab chiqaruvchisini aniqlay olmadi, sotuvchilar esa zarur maʼlumotlarni taqdim eta olmadi. Bu hodisa sunʼiy intellektli oʻyinchoqlar bozorini tartibga solishga chaqiriqlarni kuchaytirdi. Britaniya parlamenti aʼzolari ularning xavfsizligi tasdiqlanguniga qadar bunday oʻyinchoqlarni savdodan vaqtincha olib qoʻyishni taklif qildi.
