GTA VI uchun 212 GB xotira kerak boʻladi: oʻyinni oldindan yuklash allaqachon boshlandi
Grand Theft Auto VI oʻyinini oldindan yuklash Yangi Zelandiyada boshlandi. Tez orada boshqa mamlakatlardagi konsol egalari ham oʻyinni oldindan yuklay oladi.
Rockstarʼning yangi oʻyinini oʻrnatish uchun kamida 212 GB boʻsh joy kerak boʻladi. Xboxʼda yuklab olish barcha foydalanuvchilar uchun bir vaqtda — Moskva vaqti bilan soat 03:00 da — ochiladi. PS5’da vaqt mintaqaga qarab farq qiladi: Turkiyada — 00:01, Polshada — 02:00, Hindistonda — 21:30, AQShda esa — 07:00.
Shu paytda PlayStation 5 uchun GTA VI versiyasi fayllaridan asosiy menyuda yangrashi taxmin qilinayotgan musiqiy kompozitsiya ham topildi. Tadqiqotchilar onlayn-sessiyalar va koʻp oʻyinchili rejim haqidagi eslatmalarni ham aniqladi. Bu oʻyinning tarmoq funksiyalariga tayyorgarlik koʻrilayotganidan dalolat berishi mumkin.
GTA VI 19 noyabrda chiqariladi. Dastlabki maʼlumotlarga koʻra, kompyuter versiyasi 2027 yildan oldin chiqmaydi. Ilk sharhlar oʻyin ishga tushirilishidan bir kun oldin paydo boʻladi.
